Дүниежүзі тарихы · ҰБТ сұрағы №14076
Бұл мемлекет қайраткері 1815 жылы дворян отбасында дүниеге келді. 1862 жылы король оны үкімет басшысы етіп тағайындады, ал ол парламенттің бюджеттен бас тартуына қарамастан әскери шығындарды жалғастыра берді. Оның басшылығымен үш соғыс жүргізілді: біріншісі – Данияға, екіншісі – Австрияға, үшіншісі – Францияға қарсы. Соңғы соғыстан кейін, 1871 жылы елдің королі император болып жарияланды, ал қайраткердің өзі империяның бірінші канцлері болды. 1870-жылдары ол католик шіркеуінің ықпалына қарсы күрес жүргізді. 1878 жылы социал-демократияға қарсы арнайы заң шығарды, алайда 1880-жылдары жұмысшыларға арналған сақтандыру заңдарын да қабылдатты. Сыртқы саясатта Францияны оқшаулауға тырысты: 1879 жылы Австрия-Венгриямен екіжақты одақ құрды, ал 1887 жылы Ресеймен «қайта сақтандыру» шартын жасасты. 1890 жылы жас император оны отставкаға жіберді.
Мәтінде сипатталған қайраткер кім?
Дұрыс жауабы мен түсіндірмесі
Жауабы: О. фон Бисмарк
1862 жылы Пруссияның министр-президенті, 1871 ж. Германия империясының бірінші канцлері – Бисмарк. Мольтке бас штаб бастығы болған.